БУДИ ЖЕЛБА ЗА ВОЗЕЊЕ

Рафинираниот и моќен мотор и лесната шасија ви овозможуваат максимална контрола.

Civic со 5 врати има перформанси кои одговараат на неговиот спортски изглед. Рафинираниот и моќен 1.5 VTEC Turbo мотор со 182 KS ви нуди возбудливо возење.

Во потрага по возбудата
Civic со 5 врати ќе ви пружи возачко искуство какво што посакувате. Мануелниот менувач со 6 степени ќе ви овозможи спортска динамичност во возењето.

Со ECON режимот на возење се нагласува ефикасноста на турбо моторот.

Ниската и аеродинамична силуета во комбинација со турбо моторот и прецизната управливост на Civic му даваат атлетски став.

ЗГОЛЕМЕНО ЧУВСТВО НА БЕЗБЕДНОСТ

Honda SENSING е пакет напредни технологии направени да се грижат вие и вашите патници да бидете безбедни.

Систем за ублажување на последиците од судир
Доколку постои можност за судир со друго возило или пешак, системот ќе ве предупреди за опасноста истовремено намалувајќи ја брзината на возилото, помагајќи да се минимизира сериозноста на последиците.

Предупредување за напуштање на коловозната лента
Ако автомобилот тргне да ја напушти коловозната лента без вклучен трепкач, системот предупредува со светлосни и звучни сигнали за да ви го привлече вниманието и да ја корегирате траекторијата на движење.

Систем за ублажување на излетување од пат
Камерата ги детектира рабовите на патот, па ако вашиот автомобил премногу се доближи до нив, системот ќе предупреди и управувачот автоматски суптилно ќе се корегира за да го задржи вашето возило во лентата на возење. Во одредени услови, може да ги активира и сопирачките.

Систем за задржување во коловозната лента
Овозможува помалку стресно возење, особено на автопат, со тоа што го одржува автомобилот на средина на коловозната лента со помалку напор за возење и намалување на потребата од постојани корекции со управувачот.

Систем за препознавање сообраќајни знаци
Системот ги препознава сообраќајните знаци и ве информира за нив преку визуелен приказ. Можат да бидат прикажани два сообраќајни знака истовремено.

Интелигентен ограничувач на брзината
Интелигентно комбинирајќи ги функционирањето на прилагодливиот ограничувач на брзината со системот за препознавање сообраќајни знаци, автоматски ја поставува брзината на вашето возило според ограничувањето на брзината означено со сообраќаен знак.

Интелигентен адаптивен темпомат
Детектира кога возило во соседна лента има намера да ви го пресече патот и автоматски ја прилагодува брзината на вашиот Civic. Исто така го одржува растојание од возилото напред без потреба рачно да ги менувате степените на пренос.

Адаптивен темпомат со функција за следење
Адаптивниот темпомат ги одржува брзината и безбедното растојание од возилото пред вашето. Функцијата за следење при мали брзини детектира кога возилото напред ќе започне да запира и автоматски ќе го забави и запре вашето возило без да ги активирате сопирачките. За да тргнете после тоа, треба само да ја притиснете педалата за гас.